پونچھ میں مینڈھر کے علاقے سے افغان شہری گرفتار

نئی دہلی: پاکستان نے اب دہشت گردی کو فروغ دینے کے لیے افغان دہشت گردوں کو بھیجنا شروع کر دیا ہے۔ سال 2000 کے بعد پہلی بار پاکستان نے کسی افغان دہشت گرد کو دھکیل دیا ہے۔ پونچھ میں ایل او سی پر مینڈھر کے علاقے سے گرفتار ایک معذور افغان شہری نکلا جو ایل او سی کے پار ریکی کرنے آیا تھا۔ پولیس کے مطابق اس کا تعلق دہشت گرد تنظیم البدر سے ہے۔ پولیس کی تفتیش میں یہ بات سامنے آئی ہے۔ یواے پی اےکی مختلف دفعات کے تحت اس کے خلاف مقدمہ درج کرتے ہوئے اسے 10 دن کے ریمانڈ پر لیا گیا ہے۔
پولیس نے بتایا کہ بائیں پاؤں کے کٹے ہوئے دہشت گرد عبدالواحد کو فوج نے پیر کو بالاکوٹ سیکٹر کے دبی بسونی گاؤں سے اس وقت حراست میں لیا جب وہ دراندازی کر رہا تھا۔ فوج نے اسے قانونی کارروائی کے لیے پولیس کے حوالے کر دیا۔ تفتیش کے دوران معلوم ہوا کہ اس کا تعلق دہشت گرد تنظیم البدر سے ہے۔ معذور ہونے کی وجہ سے کسی کو شک نہ ہوسکا، اس لیے اسے اس طرف ریسی کرنے کے لیے بھیجا گیا۔ پولیس نے جمعرات کو منصف کی عدالت میں پیش کر کے اس کا دس روزہ ریمانڈ حاصل کر لیا ہے تاکہ پوچھ گچھ کی جا سکے۔