بنگلہ دیش کی معزول وزیراعظم شیخ حسینہ کے خلاف جبری گمشدگی کا کیس درج

ڈھاکہ: بنگلہ دیش کی معزول وزیراعظم شیخ حسینہ اور ان کی کابینہ کے سابق وزراء کے خلاف چہارشنبہ کے دن جبری گمشدگی کا کیس درج ہوا۔ 2015ء میں ایک وکیل کے اغوا کے الزام میں یہ معاملہ درج ہوا۔ 76 سالہ شیخ حسینہ کے خلاف یہ دوسرا کیس ہے۔ جبری گمشدگی کاشکار ہونے والے سپریم کورٹ کے وکیل سہیل رانا نے کیس درج کرایا۔ اخبارڈیلی نے یہ اطلاع دی۔ ڈھاکہ میٹروپولیٹن مجسٹریٹ فرزانہ شکیلاسوموچودھری نے حکم دیاکہ الزامات کو کیس کے طور پر قبول کیاجائے۔
کیس کے دیگر ملزمین میں شیخ حسینہ کی کابینہ کے سینئر وزراء‘ سابق وزیرداخلہ اسدالزماں خان‘ سابق وزیرقانون انیس الحق کے علاوہ سابق انسپکٹر جنرل پولیس شاہدالحق‘ سابق ڈائرکٹرجنرل ریاپڈایکشن بٹالین بے نظیراحمد شامل ہیں منگل کے دن شیخ حسینہ اور دیگر6افراد کے خلاف قتل کا کیس درج ہوا تھا۔ گزشتہ ماہ کی پُرتشدد جھڑپوں کے دوران ایک کرانہ دکان کے مالک کی موت کے سلسلہ میں یہ معاملہ درج ہوا تھا۔