انڈین اسپیس ریسرچ آرگنائزیشن (اسرو) کی کامیابی میں ایک اور باب کا اضافہ

بلیو برڈ بلاک-2 اے ایس ٹی اسپیس موبائل کی اگلی نسل کے مواصلاتی سیٹلائٹس سیریز کا حصہ ہے۔ اس سیٹلائٹ کو دنیا بھر کے ان علاقوں میں موبائل کنیکٹیویٹی فراہم کرنے کے لیے ڈیزائن کیا گیا ہے جہاں زمینی نیٹ ورک ناقابل رسائی ہیں۔ اس کی کئی خصوصیات ہیں جیسے اس کا وزن تقریباً 6100 سے 6500 کلوگرام (یہ ایل وی ایم 3 کے ذریعہ ہندوستانی سرزمین سے لانچ کیا گیا اب تک کا سب سے بھاری پے لوڈ ہے)۔

اس میں 223 مربع میٹر (تقریباً 2,400 مربع فٹ) کا مرحلہ وار سرنی اینٹینا لگا ہے، جو اسے زمین کے کم مدار میں تعینات سب سے بڑا کمرشیل مواصلاتی سیٹلائٹ بناتا ہے۔ اس کی صلاحیت کی بات کریں تو یہ 4 جی اور 5جی  نیٹ ورکس کو سپورٹ کرتا ہے اور معیاری اسمارٹ فونز کو سیدھے خلا سے تیز رفتار براڈ بینڈ فراہم کرے گا۔ وہیں رفتار کے لحاظ سے یہ فی کوریج سیل میں 120 ایم بی پی ایس تک ڈیٹا اسپیڈ جو وائس کال، ویڈیو کال، ٹیکسٹ، اسٹریمنگ اور ڈیٹا سروسز کو سپورٹ کرتی ہے۔

اس نئے مشن کا مقصد یہ ہے کہ یہ سیٹلائٹ اے ایس ٹی اسپیس موبائل کے عالمی نیٹورک کا حصہ ہے، جو دنیا بھر میں 7/24 کنیکٹویٹی فراہم کرے گا۔ اس سے دوردراز کے علاقوں، سمندروں اور پہاڑوں میں بھی موبائل نیٹ ورک پہنچے گا۔ اس سے پہلے کمپنی نے ستمبر 2024 میں بلیو برڈ 1-5 سیٹلائٹس لانچ کیا تھا، جو امریکہ اور کئی دوسرے ممالک کو مسلسل انٹرنیٹ کوریج فراہم کر رہا ہے۔ بلاک 2 اس سے 10 گنا زیادہ بینڈوتھ کی گنجائش والا ہے۔