پٹنہ : بہار اسمبلی انتخابات سے عین قبل یوٹیوبر منیش کشیپ نے بی جے پی چھوڑنے کا اعلان کیا ہے۔ وہ اتوار کو فیس بک پر لائیو آئے اور اپنے استعفیٰ کا اعلان کیا۔ منیش نے کہا، میں اب بی جے پی کا رکن نہیں ہوں۔ اگر میں بی جے پی میں رہ کر خود کو نہیں بچا سکا تو لوگوں کی مدد کیسے کروں گا۔منیش نے کہا کہ اب میں مختلف پلیٹ فارمز پر مختلف طریقوں سے اپنے خیالات پیش کروں گا۔ مستقبل میں لوگ مجھے بتائیں گے کے مجھے کیا کرنا ہے کیا ہمیں ایک نیا پلیٹ فارم بنانا چاہئے یا ہمیں کسی اور کے ساتھ مل کر برانڈ بہار کے بارے میں بات کرنی چاہئے؟ یہ دیکھنا ہوگا۔ منیش نے آئندہ اسمبلی انتخابات لڑنے کا بھی اشارہ دیا۔منیش نے کہا کہ میں کہاں سے الیکشن لڑوں؟ آپ لوگ مجھے یہ بھی بتائیں۔ میں کس پارٹی سے لڑوں؟ یا میں اکیلا لڑوں؟ محکمہ صحت کے خلاف آواز اٹھاتا رہوں گا۔ میری لڑائی کسی شخص سے نہیں ہے۔
منیش نے بتایا کہ وہ اپنے علاقے میں گیا ہوا تھا۔ کئی علاقوں کا دورہ کیا۔ وہاں لوگوں سے ملاقات کی۔ اب میں اس فیصلے پر پہنچ گیا ہوں کہ مجھے بہار کے لیے لڑنا ہے۔ مجھے ہجرت روکنے کے لیے لڑنا پڑے گا۔ جب میں پارٹی میں تھا تب بھی اس حوالے سے آواز اٹھاتا رہا ہوں۔ اب مجھے لگتا ہے کہ میں پارٹی میں رہ کر اپنی آواز مضبوطی سے نہیں اٹھا سکوں گا، اس لیے میں نے استعفیٰ دینے کا فیصلہ کیا ہے۔
منیش نے کہا، کچھ لوگ اس فیصلے سے خوش ہوں گے۔ کچھ اداس ہوں گے۔ میں غمگین لوگوں سے ہاتھ جوڑ کر درخواست کرنا چاہتا ہوں۔ مجھے یہ فیصلہ لینے پر مجبور کیا گیا۔ میں نے اپنا جسم، دماغ، پیسہ، سب کچھ پارٹی کے لیے وقف کر دیا۔ کچھ لیڈر کہتے تھے کہ منیش کشیپ مہتواکانکشی ہیں۔ لیکن میں مہتواکانکشی نہیں ہوں۔
اس سے پہلے منیش نے کہا تھا کہ میں بی جے پی کے ساتھ نہیں ہوں۔ میں بی جے پی سے استعفیٰ دوں گا۔ این ڈی اے کے چمپارن اور متھیلا دونوں گڑھ ٹوٹ جائیں گے۔ منیش نے بہار کے وزیر صحت منگل پانڈے پر الزام لگاتے ہوئے کہا، اگر منگل پانڈے نے تھوڑی سی توجہ دی ہوتی تو مظفر پور کی لڑکی کی موت نہ ہوتی۔ بہار میں محکمہ صحت میں بڑا گھپلہ ہوا ہے۔ میں جلد ہی تمام ثبوتوں کے ساتھ اس کا انکشاف کروں گا۔ میں بہار کے لوگوں کے ساتھ ہوں۔ میں بی جے پی کے ساتھ نہیں ہوں۔
