ریلائنس جیوڈیٹا کی کھپت کے معاملے میں پوری دنیا میں سر فہرست

نئی دہلی: ریلائنس جیو چینی کمپنیوں کو پیچھے دھکیل کر دنیا بھر میں ڈیٹا کی کھپت کے معاملے میں نمبر ایک کمپنی بن گئی ہے۔کمپنی کے جون کی سہ ماہی کے نتائج سے پتہ چلتا ہے کہ جیو نیٹ ورک پر ڈیٹا کی کھپت 44 ایکسابائٹ یعنی 4400 کروڑ جی بی کو عبور کر چکی ہے۔ یہ گزشتہ سال کے مقابلے میں تقریباً 33 فیصد کا اضافہ ہے۔ ملک میں پہلی بار اوسط ٹیلی کام نیٹ ورک پر صارفین روزانہ ایک جی بی سے کچھ زیادہ ڈیٹا استعمال کر رہے ہیں۔ہفتہ کو جاری کی گئی کمپنی کی سہ ماہی رپورٹ کے مطابق، جیو 5G نیٹ ورک سے جڑے تقریباً 13 کروڑ صارفین بڑی مقدار میں ڈیٹا استعمال کرتے ہیں۔ فی الحال، جیو کے 5G نیٹ ورک پر لامحدود ڈیٹا چارج کے بغیر دستیاب ہے۔5G صارفین کی یہ تعداد کتنی بڑی ہے اس کا اندازہ اس بات سے لگایا جا سکتا ہے کہ چین کے علاوہ یہ تعداد دنیا کے کسی بھی دوسرے مقام کے مقابلے میں سب سے زیادہ ہے۔
قابل ذکر ہے کہ جیو کے تقریباً 49 کروڑ صارفین ہیں، جن میں سے تقریباً 4 کروڑ صارفین پچھلے ایک سال میں جیو نیٹ ورک سے جڑ چکے ہیں۔سہ ماہی نتائج پر، ریلائنس جیو انفوکم کے چیئرمین آکاش ایم امبانی نے کہاکہ”معیار اعلی کوریج، سستی انٹرنیٹ ڈیجیٹل انڈیا کی ریڑھ کی ہڈی ہے اور جیو کو اس میں تعاون کرنے پر فخر ہے۔