نیٹ پیپر لیک معاملے میں مودی کی خاموشی پرراہل کا اظہارحیرت

نئی دہلی: کانگریس کے سینئر لیڈر راہل گاندھی نے میڈیکل داخلہ امتحان این ای ای ٹی ۔ یو جی 2024 کے پیپر لیک ہونے پر وزیر اعظم نریندر مودی کی خاموشی پر حیرت کا اظہار کرتے ہوئے کہا کہ ملک کے 24 لاکھ بچوں کے مستقبل کے ساتھ کھلواڑ کیا گیا ہے اور مسٹر مودی اس پر حیران کن خاموشی اختیار کئے ہوئے ہیں۔گاندھی نے منگل کو کہا "نریندر مودی ہمیشہ کی طرح نیٹ کے امتحان میں 24 لاکھ سے زیادہ طلباء کے مستقبل سے کھلواڑ کرنے کے معاملے پر خاموشی اختیار کر رکھی ہے ۔
اس سلسلے میں بہار، گجرات اور ہریانہ میں کی گئی گرفتاریوں سے صاف ظاہر ہوتا ہے کہ امتحان میں منظم طریقے سے بدعنوانی ہوئی ہے اور یہ بھارتیہ جنتا پارٹی (بی جے پی ) کی حکومت والی ریاستیں پیپر لیک ہونے کا مرکز بن چکی ہیں۔راہل گاندھی نے کہا ’’ہم نے اپنی عدالتی دستاویز میں پیپر لیک کے خلاف سخت قانون بنا کر نوجوانوں کے مستقبل کو محفوظ بنانے کی گارنٹی دی تھی۔ اپوزیشن کی ذمہ داری کو پورا کرتے ہوئے ہم ملک بھر کے نوجوانوں کی آواز کو سڑکوں سے پارلیمنٹ تک مضبوطی سے بلند کرنے اور حکومت پر ایسی سخت پالیسیاں بنانے کے لیے دباؤ ڈالنے کے لیے پرعزم ہیں۔