سعودی عرب میں چاندنظرآگیا ۔ آج سے روزہ شروع

ریاض: سعودی عرب میں رمضان المبارک کا چاند نظر آ گیا ہے اور ماہ صیام کا پہلا روزہ آج یعنی پیر کو ہے۔ عرب نیوز کی رپورٹ کے مطابق سعودی عرب میں اتوار کو رمضان کا چاند دیکھا گیا ہے اور ماہِ رمضان کا پہلا روزہ یکم رمضان 1445 ہجری 11 مارچ 2024، پیر کو تسلیم کیا ہے۔قبل ازیں، سعودی حکومت نے لوگوں کو چاند رات کو چاند تلاش کرنے کی تلقین کی تھی اور کہا تھا کہ اگر کسی کو بھی چاند نظر آئے تو وہ اس کی اطلاع مقامی عدالت کو دیں۔ سعودی عرب کے ساتھ متحدہ عرب امارات میں بھی پہلا روزہ آج یعنی پیر کو ہےجبکہ تراویح کا آغاز اتوار سے ہو گیا۔تاہم عمان نے ملک میں چاند نظر نہ آنے کا اعلان کیا ہے اور پہلا روزہ 12 مارچ بروز منگل کو ہوگا۔ آسٹریلیا، ملائیشیا، فلپائن اور برونئی نے بھی پہلا روزہ 12 مارچ کو ہی رکھنے کا اعلان کیاگیا ہے۔