سپریم کورٹ کی جانب سےسماجی کارکن تیستا سیتلواڑ کو عبوری تحفظ فراہم

جسٹس بی آر گاوائی کی سربراہی میں تین ججوں کی بنچ نے ہفتہ یعنی 1 جولائی  کی رات تقریباً 9.15 بجے سیتلواڑ کی درخواست پر سماعت شروع کی۔ اس میں جسٹس اے ایس بوپنا اور جسٹس دیپانکر دتہ شامل تھے۔ سپریم کورٹ نے گجرات حکومت کی طرف سے پیش ہوئے سالیسٹر جنرل تشار مہتا سے پوچھا کہ ایک شخص کو ضمانت کو چیلنج کرنے کے لیے سات دن کا وقت کیوں نہیں دیا جانا چاہیے، جب وہ اتنے عرصے سے باہر ہے۔

تشار مہتا نے کہا، ’’یہ کیس جس طرح سے پیش کیا گیا ہے اس سے کہیں زیادہ سنگین ہے۔‘‘ مہتا نے کہا کہ ایس آئی ٹی (2002 کے گودھرا فسادات کیس پر) سپریم کورٹ نے تشکیل دی تھی اور جس نے وقتاً فوقتاً رپورٹیں داخل کی تھیں۔اس وقت گواہوں نے ایس آئی ٹی کو بتایا کہ سیتلواڑ نے ان کے سامنے بیان دیا تھا اور ان کی توجہ ایک خاص پہلو پر تھی جو جھوٹا پایا گیا تھا۔ انہوں نے کہا کہ سیتلواڑ نے جھوٹے حلف نامہ داخل کیا۔