منگل کا دن یعنی آج مدھیہ پردیش کے 19 مقدس مقامات کے لیے ایک تاریخی دن ہونے والا ہے۔ آج یعنی یکم اپریل سے یہاں شراب پر پابندی لگنے جا رہی ہے۔ ریاست کے وزیر اعلی موہن یادو نے حال ہی میں اس کا اعلان کیا تھا۔ ریاست کے 19 مذہبی قصبوں اور گرام پنچایتوں میں وزیر اعلیٰ موہن یادو کی طرف سے اعلان کردہ شراب پر پابندی یکم اپریل 2025 سے نافذ ہو جائے گی۔
وزیر اعلیٰ کے اس اعلان کو24 جنوری کو منعقدہ کابینہ کی میٹنگ میں منظوری دی گئی۔ فیصلے کے مطابق، اجین، اومکاریشور، مہیشور، منڈلیشور، اورچھا، میہر، چترکوٹ، دتیا، پننا، منڈلا، ملتانی، منڈسور اور امرکنٹک کی پوری شہری حدود میں اور گرام پنچایت کی حدود، کنڈ پور، برکھان پور میں شراب کی تمام دکانیں اور بار بند کر دئے جائیں گے۔
ریاست کے ان 19 شہری اور دیہی علاقوں کو مکمل طور پر مقدس قرار دیتے ہوئے یکم اپریل سے مکمل امتناع نافذ کر دیا گیا ہے۔وزیر اعلیٰ یادو نے کہا کہ ریاستی حکومت کی طرف سے نشے سے نجات کی طرف ایک تاریخی قدم اٹھایا گیا ہے۔ یہ قدم 19 شہری علاقوں اور عوامی عقیدے اور مذہبی عقیدت رکھنے والی گرام پنچایتوں میں موثر ہوگا۔ جن مذہبی مقامات پر شراب پر پابندی کا فیصلہ لیا گیا ان میں ایک میونسپل کارپوریشن، چھ میونسپل کونسل اور چھ گرام پنچایتیں شامل ہیں۔
