نئی دہلی : جی ایس ٹی کونسل کی 50ویں میٹنگ 11 جولائی کو نئی دہلی کے وگیان بھون میں ہونے والی ہے۔ اس سلسلے میں جی ایس ٹی کونسل نے ٹوئٹ کرتے ہوئے بتایا کہ میٹنگ 11 جولائی کو نئی دہلی کے وگیان بھون میں ہوگی جس میں کئی اہم ایشوز پر تبادلہ خیال کیا جائے گا۔ قابل ذکر ہے کہ مرکزی وزیر مالیات نرملا سیتارمن کی صدارت والی اس کونسل میں ریاستوں کے وزرائے مالیات بھی شامل ہیں۔ موصولہ اطلاعات کے مطابق کونسل فرضی رجسٹریشن اور اِنپٹ ٹیکس کریڈٹ کے کلیمس کو روکنے کے لیے سخت اقدام کر سکتی ہے۔ اس کے علاوہ کونسل آن لائن گیمنگ، کیسینو اور ہورسریس پر جی او ایم رپورٹ پر بھی تبادلہ خیال ہوگا۔
ی ایس ٹی کے تحت رجسٹرڈ فرضی کمپنیوں اور کاروباریوں پر کارروائی کرنے اور فرضی آئی ٹی سی کلیمس کو روکنے اور سبھی کمپنیوں کے پتے جیو ٹیگنگ کو لازمی کرنے پر کام ہو رہا ہے۔ ملک کی راجدھانی دہلی اور ہریانہ میں اس کا پائلٹ پروجیکٹ بھی شروع ہو چکا ہے۔ اس کے استعمال سے کسی بھی کاروبار کی جگہ کو ویریفائی کرنے میں مدد ملے گی۔ دراصل کچھ ایسے معاملے سامنے آئے ہیں جن میں پتہ فرضی تھا۔ تفتیش کے دوران پتہ چلا ہے کہ 12500 فرضی کمپنیاں ملی ہیں، جن کے دفتر بتائی ہوئی جگہ پر نہیں ہیں۔
بتایا جاتا ہے کہ کچھ پیچیدہ کمپنیوں کے لیے بایومیٹرک آتھنٹکیشن بھی ضروری ہوگا۔ موجودہ وقت میں آتھنٹکیشن صرف آدھار اور پین کے ذریعہ سے او ٹی پی پر مشتمل ہوتا ہے۔ نومبر 2020 سے ایک خاص مہم میں مرکزی ایجنسیوں نے 62000 کروڑ روپے کے فرضی آئی ٹی سی دعووں کا پتہ لگایا ہے اور پروفیشنل سمیت 776 لوگوں کو گرفتار کیا ہے۔
بہرحال، کونسل آن لائن گیمنگ، کیسینو اور ہورس ریس پر جی او ایم رپورٹ پر بھی بات چیت کرے گی اور اسے جلد ہی ریاستوں کو سرکولیٹ کرے گی۔ جی او ایم نے گزشتہ سال دسمبر میں کونسل کو اپنی رپورٹ سونپی تھی، لیکن کونسل نے اسے تبادلہ خیال کے لیے نہیں لیا ہے۔
