عمران مرزا کی جانب سے ثانیہ اور شعیب کی طلاق کااعتراف

حیدرآباد:پاکستانی کرکٹر شعیب ملک نے تیسری شادی کر لی اور انہوں نے ہندوستانی ٹینس اسٹار ثانیہ مرزا کو طلاق دے دی ہے۔ ثانیہ مرزا نے ابھی تک اس معاملے پر کوئی ردعمل ظاہر نہیں کیا ہے۔ ثانیہ اور ان کے گھر والوں کی جانب سے اس حوالے سے کوئی ردعمل سامنے نہیں آیاتھا۔ لیکن اب ثانیہ کے والد عمران مرزا نے انسٹاگرام پر ایک پوسٹ شیئر کرتےہوئے اطلاع دی ہے کہ ثانیہ اور شعیب کی طلاق چند ماہ قبل ہی ہوئی تھی۔ ثانیہ اور شعیب کی شادی 2010 میں ہوئی تھی۔ ان دونوں کا رشتہ تقریباً 14 سال تک چلا۔ ثانیہ کے گھر والوں نے ابھی تک کوئی ردعمل ظاہر نہیں کیا تھا۔لیکن اب ثانیہ کے والد نے انسٹاگرام پر پوسٹ شیئر کیاہے۔
ثانیہ کے اہل خانہ نے ایک بیان میں کہا، ’’ثانیہ اپنی ذاتی زندگی کو عوام سے دور رکھتی ہے۔ تاہم آج یہ کہنا ضروری ہے کہ شعیب اور ثانیہ کی طلاق چند ماہ قبل ہوئی تھی۔ انہوں نے شعیب کو ان کی نئی زندگی کے لیے نیک تمنائیں بھی دی ہیں۔ اس نازک وقت میں تمام مداحوں اور چاہنے والوں سے درخواست ہے کہ وہ ان کی پرائیویسی کا خیال رکھیں۔