دہلی اسمبلی انتخابات میں کامیابی پرچراغ پاسوان کی بی جے پی کو مبارکباد

پٹنہ : لوک جن شکتی پارٹی (رام ولاس) کے قومی صدر اور مرکزی وزیر چراغ پاسوان نے دہلی اسمبلی انتخابات میں زبردست جیت کے لئے بھارتیہ جنتا پارٹی کو دل کی گہرائیوں سے مبارکباد اور نیک خواہشات کا اظہار کیا ہے ۔ دوپہر میں ووٹوں کی گنتی کے رجحانات کے مطابق بی جے پی نے 70 رکنی دہلی اسمبلی میں تین سیٹیں جیت لی ہیں اور 45 سیٹوں پر آگے چل رہی ہے ، جب کہ عام آدمی پارٹی، جس نے پچھلے انتخابات میں 62 سیٹیں حاصل کی تھیں، دو سیٹیں جیتی ہیں اور 20 سیٹوں پر آگے ہے ۔ پاسوان نے بی جے پی کو دہلی انتخابات میں شاندار کامیابی پر مبارکباد دی ہے ۔ انہوں نے انسٹاگرام پر لکھا کہ یہ جیت وزیر اعظم نریندر مودی، وزیر داخلہ امیت شاہ اور بھارتیہ جنتا پارٹی کے قومی صدر جے پی نڈا کی قابل قیادت کا نتیجہ ہے ۔ این ڈی اے کی ڈبل انجن والی حکومت کی یہ جیت مرکزی حکومت کے ترقیاتی کاموں، مرکزی حکومت کی پالیسیوں اور دہلی کے لوگوں کے اعتماد کی علامت ہے ۔