طالبہ کا حجاب پھاڑنے والی ٹیچر کے خلاف مقدمہ درج

سری نگر۔ جموں کشمیر کے ضلع باندی پور میں ایک طالبہ کے مبینہ حجاب پھاڑنے والی ایک ٹیچر کے خلاف مقدمہ درج کرلیاگیا ہے۔سرکاری ذرائع کا کہنا ہے کہ ایک طالبہ نے پولیس میں شکایت درج کراتے ہوئے الزام لگایا کہ ایک ٹیچر اس سے وقت رجوع ہوئی جب وہ کلاس روم میں بیٹھی ہوئی تھی اور زبردستی اس کاحجاب پھاڑدیا ہے۔
طالبہ کا الزام ہے کہ وہی ٹیچر اس کو اس کے کلاس ساتھیوں کو ہراساں کررہی تھی‘ مگر اس نے زبردستی حجاب پھاڑ دیا۔لڑکی نے یہ بھی کہاکہ ماضی میں اس نے والدین سے ہراسانی کا ذکر بھی کیاتھالیکن اس معاملے کو لیکر جب لڑکی کی ماں کے اسکول آئی تو ملزم ٹیچرنےانہیں روک دیا اور ان پر چلانے لگی اوراسکول احاطے میں موجودگی پر سوال کھڑا کیاتھا۔
ذرائع نے کہاکہ ”طالب علم نے کہاکہ اس نے مسئلے کی بار بار اسکول کے پرنسپل او ردیگر کو اطلاع دی‘لیکن افسوس کہ کبھی کوئی کاروائی نہیں کی گئی“۔آئی پی سی کی 354اور پی او سی ایس او ایکٹ کی 9/10کے دفعات کے تحت ایک مقدمہ باندی پور پولیس اسٹیشن میں ٹیچرس کے خلاف مقدمہ درج کیاگیااورمزید تحقیقات کی جارہی ہے۔