ممبئی: ممبئی پولیس نے مشہور ٹیلی سیریل "تارک مہتا کا الٹا چشمہ” کے تین سرکردہ افراد کے خلاف مبینہ جنسی ہراسانی کے الزام میں مقدمہ درج کیا ہے، ایک اہلکار نے منگل کو یہاں بتایا اور کہا کہ تفتیش جاری ہے۔ مذکورہ معاملہ میں ملزم ٹیلی سیریل کے پروڈیوسر اسیت مودی، ایگزیکٹو پروڈیوسر جتن بجاج اور آپریشنز ہیڈ سہیل رمانی شامل ہیں۔ پوائی پولیس اسٹیشن کے ایک افسر نے ایف آئی آر درج کرائی ہے-
افسر نے بتایا کہ یہ اقدام ٹیلی سیریل کی ایک اداکارہ کی طرف سے درج کرائی گئی شکایت کے بعد کیا گیا ہے اور اس معاملے میں ابھی تک کوئی گرفتاری نہیں ہوئی ہے۔ یاد رہے کہ تقریباً ایک ہفتہ قبل ایک اداکارہ نے مودی اور دیگر پر جنسی طور پر ہراساں کرنے کا الزام لگاتے ہوئے پولیس کے پاس اپنا بیان ریکارڈ کرایا تھا جس کے بعد تحقیقات شروع کی گئی تھیں۔
تاہم، مودی، بجاج اور رمانی کی تینوں ملزمین نے گزشتہ ہفتے جاری کردہ اپنے بیانات میں ان الزامات کی واضح طور پر تردید کی ہے۔ انہوں نے یہ دعویٰ کرتے ہوئے اداکارہ کے الزامات کا بھی مقابلہ کیا کہ وہ ان کے خلاف انتقامی کارروائیوں میں ملوث ہیں کیونکہ پروڈکشن ہاؤس کے ساتھ اس کے کام کا معاہدہ ختم کر دیا گیا تھا۔ پولیس نے کہا ہے کہ اس معاملے کی تمام زاویوں سے تفتیش کی جاری ہے اس سے پہلے کہ مزید اقدامات شروع کیے جائیں۔
