آسام میں بی جے پی ایک بار پھر حکومت بناتی ہوئی نظر آ رہی ہے۔ رجحانات میں بی جے پی اتحاد مضبوطی کے ساتھ اکثریت حاصل کر چکی ہے اور کئی سیٹوں پر اس کی سبقت نتیجہ خیز ہے۔ سبھی 126 سیٹوں کے جو تازہ رجحانات سامنے آئے ہیں، ان کے مطابق بی جے پی اتحاد 98 سیٹوں پر آگے ہے۔ بی جے پی تنہا 79 سیٹوں پر سبقت بنائے ہوئی ہے، یعنی وہ تنہا بھی حکومت سازی کی طاقت حاصل کرنے کی طرف بڑھ رہی ہے۔ کانگریس اتحاد نے 26 سیٹوں پر سبقت بنایا ہوا ہے، جن میں کانگریس کی اپنی 24 سیٹیں ہیں۔ حکومت سازی کے حالات دیکھ کر بی جے پی جشن کا ماحول ہے۔ کہیں بی جے پی لیڈران و کارکنان رقص کرتے دکھائی دے رہے ہیں، تو کہیں مٹھائیاں تقسیم کی جا رہی ہیں۔ دوسری طرف کانگریس خیمہ میں سناٹا پسرا ہوا ہے۔
