ٹی وی چینل دہشت گردانہ الزامات میں شامل تنظیموں کو اپنا پلیٹ فارم فراہم کرنے سے گریز کریں

نئی دہلی۔مذکورہ انفارمیشن اینڈبراڈ کاسٹنگ وزرات نے جمعرات کے روز ٹی وی نیوز چینلوں کو تجویز پیش کی سنگین جرائم میں ملوث اور دہشت گردانہ الزامات کا سامنے کررہی تنظیموں سے وابستہ افراد کو اپنا پلیٹ فارم فراہم کرنے سے گریز کریں۔تمام خانگی سٹلائیٹ ٹی وی چیانلوں کو جاری ایک اڈوائزری میں وزرات نے کہاکہ یہ بات ہماری جانکاری میں ہے کہ ایک بیرون ملک میں ”ایک فرد“ جس کو دہشت گردی میں ملوث ہونے والے جرائم کے سنگین معاملات کا سامنا ہے کو ایک ٹیلی ویثرن چینل پر ایک مباحثہ میں مدعو کیاگیا تھا۔
وزرات نے نیوز چینل اوراس شخص کا نام لئے بغیر کہاکہ بات چیت کے دوران‘ اس شخص نے ہندوستان کی خود مختاری اورسالمیت‘ اس کی سلامتی اور ایک غیرملکی ریاست کے ساتھ دوستانہ تعلقات کے لئے نقصاندہ تبصرہ کیاہے۔ وزرات نے مزیدکہاکہ اس شخص کے ریمارکس میں ملک کے امن عامہ کو خراب کرنے کا بھی اندیشہ ہے۔
مذکورہ وزرات نے کہاکہ جب کہ حکومت میڈیاکی آزادی کو برقرار رکھتی ہے اور آئین کے تحت اس کے حقوق کا احترام کرتی ہے‘ ٹی وی چینلوں کے ذریعہ نشرہونے والے مواد کو کیبل ٹیلی ویثرن نٹ ورکس(ریگولیشن) ایکٹ 1955کے دفعات کااحترام کرنا چاہئے۔اس میں مزیدکہاگیا ہے کہ ”مذکورہ بالا کی روشنی میں‘ ٹیلی ویثرن چینلوں کو مشورہ دیاجاتا ہے کہ وہ ایسے پس منظر کے لوگوں کے بارے میں جن میں وہ لو گ بھی شامل ہیں جن کے خلاف سنگین جرائم/دہشت گردی کے الزامات ہیں اور جن کا تعلق دہشت گرد تنظیموں سے ہے کے متعلق رپورٹس/حوالہ جات اور آراء/ایجنڈہ کے لئے کوئی پلیٹ فارم دینے سے گریز کریں۔آئین کے ارٹیکل 19(2)کے تحت مذکورہ معقول پابندیوں کو مدنظر رکھتے ہوئے قانون کے ذریعہ ممنوعہ قراردیاگیاہے۔