مغربی بنگال کی وزیر اعلیٰ ممتا بنرجی، جنہیں پریاگ راج میں جاری مہا کمبھ پر اپنے بیان پر تنقید کا سامنا ہے، نے اتر پردیش کے وزیر اعلی یوگی آدتیہ ناتھ کے تبصرے پر جوابی حملہ کیا ہے۔ اس کے ساتھ انہوں نے یہ بھی کہا کہ کمبھ کی مرتیو کمبھ کے تبصرے کو توڑ مروڑ کر پیش کیا ہے ۔وزیر اعلیٰ ممتا بنرجی نے پریس کانفرنس کے دوران کہا، ‘یوگی صاحب مجھے کتنی بھی گالی دیں، اس سے مجھے کوئی فرق نہیں پڑتا ہے۔ میں بطور وزیر اعلیٰ ان کا احترام کرتی ہوں۔‘ انہوں نے مزید کہا، ‘لیکن میں یہ کہوں گی کہ آپ نے متاثرہ خاندانوں کو پوسٹ مارٹم یا موت کا سرٹیفکیٹ تک نہیں دیا ہے۔ ہم نے ان لاشوں کا پوسٹ مارٹم کیا ہے جو یہاں پہنچی ہیں۔ مجھے نہیں معلوم کہ دوسری ریاستوں میں کیا ہوا اور اگر آپ نے معاوضے کا اعلان کیا ہے تو آپ کو انہیں رقم دینا چاہیے۔’
ممتا بنرجی کا یہ ردعمل ناقدین کے نشانہ بنانے کے ایک دن بعد آیا ہے۔ انہوں نے کہا کہ ہمیشہ اپنی صلاحیت پر غور کرنا چاہیے، کتنے لوگ جا سکتے ہیں، کتنے لوگ رہ سکتے ہیں۔ شادی بیاہ کی تیاریاں بھی ضروری ہیں۔ انہوں نے کہا، ’’144 سال بعد کی تشہیر کرنے کی ضرورت نہیں تھی۔ کمبھ میلہ 2014 میں بھی ہوا تھا۔”اپنے مرتیوں کمبھ کے تبصرے کی وضاحت کرتے ہوئے، انہوں نے کہا، "بہت سے لوگوں نے اسے توڑ مروڑ کر خوفناک باتیں کہی ہیں۔ میں کہوں گی کہ وہ جو کہہ رہے ہیں وہ جھوٹ ہے، مکمل طور پر جھوٹ ہے۔ میں نے اپنی زندگی میں کبھی کسی مذہب کی توہین نہیں کی اور نہ کبھی کروں گی۔”
ٹی ایم سی سربراہ نے کہا کہ بنگال میں بھی ایسی تقریبات ہوتی ہیں جن میں بہت زیادہ ہجوم ہوتا ہے – جیسے گنگا ساگر میلہ اور درگا پوجا۔ انہوں نے کہا کہ ہم کئی دنوں تک نہیں سوتے۔ ہم ہر چیز پر نظر رکھتے ہیں۔ ہم احتیاط سے منصوبہ بندی کرتے ہیں ورنہ لوگوں کو پریشانی کا سامنا کرنا پڑتا ہے۔
