سنتوش کمار گنگوار جھارکھنڈ کے نئے گورنربنے

نئی دہلی :جھارکھنڈ کے گورنر سی پی رادھا کرشنن مہاراشٹر کے نئے گورنر ہوں گے۔ راشٹرپتی بھون نے یہ جانکاری دی ہے۔ رادھا کرشنن رمیش بیس کی جگہ لیں گے، جو 18 فروری 2023 سے گورنر ہیں۔جھارکھنڈ میں بی جے پی کے سینئر رہنما سنتوش کمار گنگوار کو سی پی رادھا کرشنن کی جگہ گورنر مقرر کیا گیا ہے۔ راشٹرپتی بھون نے ہفتہ کی رات کو کئی ریاستوں کے گورنروں کی تقرری کا اعلان کیا۔سی پی رادھا کرشنن کی تقرری ایسے وقت میں ہوئی ہے جب ریاست میں اس سال اسمبلی انتخابات ہونے جا رہے ہیں۔ رادھا کرشنن طویل عرصے تک بی جے پی کے رکن تھے۔ وہ تمل ناڈو کی کوئمبٹور لوک سبھا سیٹ سے دو بار ایم پی منتخب ہوئے۔ وہ تمل ناڈو میں بھارتیہ جنتا پارٹی کے ریاستی صدر رہ چکے ہیں۔
رادھا کرشنن نے 1998 اور 1999 کے لوک سبھا انتخابات میں کامیابی حاصل کی۔ بی جے پی نے انہیں 2014 اور 2019 کے انتخابات میں بھی اپنا امیدوار بنایا، حالانکہ انہیں شکست کا سامنا کرنا پڑا تھا۔ وہ 18 فروری 2023 کو جھارکھنڈ کے گورنر بنے۔نئی تقرریوں کی فہرست اس طرح ہےسکم کے گورنر لکشمن پرساد اچاریہ کو آسام کا گورنر مقرر کیا گیا جبکہ لکشمن پرساد اچاریہ کو منی پور کا اضافی چارج بھی دیا گیا تھا۔ گلاب چند کٹاریہ کو پنجاب کا گورنر مقرر کیا گیا۔ کٹاریہ کو یونین ٹیریٹری چنڈی گڑھ کا ایڈمنسٹریٹر بھی مقرر کیا گیا ہے۔ہری بھاؤ کسن راؤ باگڈے کو راجستھان کا گورنر مقرر کیا گیا۔جشنو دیو ورما تلنگانہ کے گورنر ہوں گے۔اوم پرکاش ماتھر سکم کے نئے گورنر ہوں گے۔رامین ڈیکا کو چھتیس گڑھ کا گورنر مقرر کیا گیا۔ وجے شنکر کو میگھالیہ کا گورنر مقرر کیا گیا۔کیلاش ناتھن کو پڈوچیری کا لیفٹیننٹ گورنر مقرر کیا گیا۔راشٹرپتی بھون سے جاری بیان میں کہا گیا ہے کہ یہ تمام تقرریاں چارج سنبھالنے کی تاریخ سے نافذ العمل ہوں گی۔