امروہہ : پی ایم مودی نےکرکٹر محمد شامی کی جم کرتعریف کی ہے۔ایک جلسہ عام سے خطاب کرتے ہوئےوزیراعظم نے کہا کہ امروہہ کی ڈھولک کو جی آئی ٹیگ ملا ہے ۔ ورلڈ کپ میں شامی کی شاندار کارکردگی کے لیے انہیں :دیش کا ڈنکا:قراردیا۔ انہوں نے اس بات پر زور دیا کہ ڈھولک کی دھڑکنوں کو اب ’کمل چھپ‘ سے گونجنا چاہیے۔پی ایم نے کہا کہ ان کی حکومت نے کرکٹر کو ارجن ایوارڈ سے نوازا تھا، اور وزیر اعلی یوگی آدتیہ ناتھ نے ضلع کو ایک اسٹیڈیم تحفہ میں دیا تھا۔پی ایم مودی نے یہ بھی کہا کہ ووٹ کے حق کا استعمال ضرورکریں۔ووٹرز کو اپنے حق رائے دہی کا استعمال کرنے کی ترغیب دیتے ہوئے، انہوں نے اس بات پر زور دیا کہ ان کے ووٹ ملک کے مستقبل کا تعین کریں گے۔
واضح ہو کہ حال ہی میں، ہندوستانی کرکٹر کو ایک شاندار تقریب میں صدر دروپدی مرمو نے ارجن ایوارڈ سے نوازا۔تیز گیند باز کو انڈین پریمیئر لیگ (آئی پی ایل) 2024 سے باہر کر دیا گیا ہے کیونکہ وہ ٹخنے کی سرجری سے صحت یاب ہو رہے ہیں اورسال ستمبر سے پہلے ان کی واپسی کی توقع نہیں ہے۔فاسٹ باؤلر کی 26 فروری 2024 کو دائیں ایڑی کی تکلیف کے لیے کامیاب سرجری ہوئی ہے۔ اس وقت بی سی سی آئی کی میڈیکل ٹیم ان کی نگرانی کر رہی ہے اور وہ آئندہ آئی پی ایل 2024 سے باہر ہیں۔
