یوم جمہوریہ کے موقع پر ریلائنس جیو کی خصوصی پیشکش

نئی دہلی: ریلائنس جیو اپنے موجودہ اور نئے صارفین کے لیے یوم جمہوریہ کی پیشکش لے کر آیا ہے ۔ آفر کے تحت 2999 روپے کا ری چارج کرنے پر صارف کو 3 ہزار روپے سے زیادہ کے کوپن ملیں گے ۔ یہ کوپن خریداری، سفر اور کھانے کے بلوں کی ادائیگی کے لیے استعمال کیے جا سکتے ہیں۔ جیسے ہی صارف جیو کے پلان کو ری چارج کرے گا، اسے جو کوپن ملے گا وہ مائی جیوایپ میں ظاہر ہونا شروع ہو جائیں گے ۔ اس آفر سے صرف 31 جنوری تک فائدہ اٹھایا جا سکتا ہے ۔ سب سے پہلے ، شاپنگ کی بات کرتے ہیں، ریلائنس کی اے جیو ایپ سے 2499 روپے کی کم از کم خریداری پر گاہک کو 500 روپے کی چھوٹ ملے گی۔ نیز، صارفین کو تیرا سے بیوٹی پراڈکٹس کی خریداری پر 30% رعایت ملے گی۔ جو زیادہ سے زیادہ 1000 روپے تک ہو سکتا ہے ۔ ریلائنس ڈیجیٹل سے کم از کم 5000 روپے کی خریداری پر 10%ڈسکاؤنٹ دستیاب ہوگا، ریلائنس ڈیجیٹل پر زیادہ سے زیادہ رعایت کی حد 10,000 روپے تک محدود ہے ۔ مسافروں کواکسیگو کے ذریعے ہوائی ٹکٹوں کی بکنگ پر 1500 روپے تک کی رعایت ملے گی۔ ایک مسافر کے ٹکٹ پر 500 روپے ، 2 مسافروں پر 1000 روپے اور 3 مسافروں پر 1500 روپے کی رعایت مقرر کی گئی ہے۔
کھانے کے شوقین افراد سویگی ایپ کے ذریعے کھانا بک کر کے 125 روپے تک کی رعایت بھی حاصل کر سکتے ہیں۔ لیکن آرڈر کم از کم 299 روپے کا ہونا چاہیے ۔زیادہ سے زیادہ کوپن جیتنے کے لیے صارف اپنے نمبر پر جتنے چاہے ری چارج کر سکتا ہے ۔ اس پیشکش کے تحت جیتنے والے کوپنز کو دوسرے جیو نمبر پر منتقل نہیں کیا جا سکتا ہے ۔ تاہم، کوپن دوستوں/خاندان کے ساتھ شیئر کیے جا سکتے ہیں۔