بہار کے انتظامی کیڈر کے افسران اب اپنی شادی کی تاریخ، کارڈ اورتحائف کا حساب بنانے میں مصروف

پٹنہ: بیٹوں اور بیٹیوں کی شادی کی تیاری کی عمر میں بہار کے انتظامی کیڈر کے افسران اب اپنی شادی کی تاریخ، کارڈ اور تحائف کا حساب بنانے میں مصروف ہیں۔جیسے ان کی شادی کب ہوئی؟ کیا آپ کو شادی کے تحفے کے طور پر نقد، زیورات ملے؟ سروس کے دوران سائیکل یا زمین خریدی؟ انہیں لیپ ٹاپ سے لے کر موبائل تک حساب بناناپڑ رہا ہے۔دراصل بہار حکومت بہار ایڈمنسٹریٹو سروس کے افسران کی پرائیویٹ فائل تیار کرنا ہےاوراس کے لئے حکومت نے بہار ایڈمنسٹریٹو سروس کے افسران کے لیے ایک حکم نامہ جاری کردیا گیا ہے۔ بتایا گیا ہے کہ پرائیویٹ فائل بنانے کے لیےافسران کو سروس نوٹیفکیشن لیٹرکے ساتھ معاہدہ وغیرہ کی کاپی جمع کرانے کو کہا گیا ہے۔
اس حکم سے افسران کے ہوش اُڑ گئے ہیں۔ وہ دس ہزار سے زائد مالیت کے سامان کی فہرست بنا رہے ہیں۔ 50 سال کی عمر میں جوائننگ لیٹر تلاش کر رہے ہیں۔ ملازمت میں شامل ہونے کے بعد شادی کے لیے حکومت سے لی گئی چھٹی کی درخواست بھی ڈھونڈ رہے ہیں۔جنرل ایڈمنسٹریشن ڈپارٹمنٹ نے یہ حکم جاری کیا ہے۔ حکم کے مطابق10اگست کو میٹنگ ہو چکی ہے جس کی صدارت ڈاکٹر بی راجندر، ایڈیشنل چیف سکریٹری، جنرل ایڈمنسٹریشن ڈپارٹمنٹ نے کی۔ پہلے راؤنڈ میں اے ڈی ایم سطح کے افسران کی تفصیلات لی جا رہی ہیں۔ اگلی میٹنگ 16 اگست اور اس کے بعد اجلاس 22 اگست کو طلب کی گئی ہے ۔
بہار ایڈمنسٹریٹو سروس کے افسر اور بہار ایڈمنسٹریٹو سروس ایسوسی ایشن کے سکریٹری سنیل پاٹھک بتاتے ہیں کہ بہار حکومت کا حکم موصول ہوا ہے۔ حکم نامہ میں کہا گیا ہے کہ تمام افسران کی پرائیویٹ فائل تیارکرنے کے لئے افسروں سے ان کی تفصیلات طلب کی گئی ہیں۔ان کا کہنا ہے کہ کئی طرح کی معلومات مانگی گئی ہیں۔ افسران سے ملاقات کرکے یہ تفصیلات لی جارہی ہیں۔ تمام افسران کو وقت پر تفصیلات دینا ہوں گی۔ تاہم انہوں نے اس کے لیے کوئی آخری تاریخ نہیں دی ہے۔ سنیل پاٹھک نے بتایا کہ بہار ایڈمنسٹریٹو سروس کے افسران کو بیچ وائز بلایاجا رہا ہے۔