بیوی کا بھنویں بنوانا برا لگا ۔ ویڈیو کال پردی طلاق

کانپور : یوپی کے کانپور سے ایک حیران کن معاملہ سامنے آیا ہے۔ یہاں قلی بازار کے علاقے میں، ایک شوہر نے اپنی بیوی کو صرف اس لیے تین طلاق دے دی کیونکہ اس نے بیوٹی پارلر میں جانے کے بعد اپنی بھویں بنوائی تھیں۔سیاست نیوز پورٹل کی خبر کے مطابق شوہر نے ہمیشہ کی طرح اسے ویڈیو کال کی تھی لیکن جب اس نے دیکھا کہ خاتون نے اپنی بھویں کرائی ہیں تو وہ غصے میں آگیا۔ اس نے پوچھا کہ کیا تم نے اپنی بھویں بنوائی ہیں، جس پر بیوی نے کہا، ہاں،میں نے اپنی بھویں بنوائی ہیں۔ یہ سن کر وہ غصے میں آ گیا اور اپنی بیوی کو گالیاں دینے لگااورتین طلاق دے دی۔خاتون کا کہنا ہے کہ وہ اپنے شوہر کو بار بار فون کرتی رہی لیکن اس نے اس کی کال کا جواب نہیں دیا۔ خاتون کا کہنا ہے کہ اس کے سسرال والے بھی اس کے شوہر کا ہی ساتھ دے رہے ہیں۔