پٹنہ : محکمہ موسمیات کے مطابق مغربی ہواؤں کے باعث درجہ حرارت میں گراوٹ شروع ہو چکی ہے اور آنے والے دنوں میں اس مزید گراوٹ بعید از قیاس نہیں ہے۔بدھ کو بہار کے جنوب مشرقی اور جنوب وسطی حصوں میں کئی مقامات پر کم سے کم درجہ حرارت میں ایک سے دو ڈگری سیلسیس کی کمی ریکارڈ ہوئی۔ ریاست کے کئی اضلاع میں درجہ حرارت 15 ڈگری سیلسیس ریکارڈ کیا گیا۔ بانکا ضلع گذشتہ 24 گھنٹوں میں ریاست کا سب سے سرد رہا۔
دہلی-این سی آر سے جموں و کشمیر تک پارہ گرنا شروع ہو گیا ہے۔ پچھلے کچھ مہینوں سے دہلی-این سی آر کے لوگوں نے شدید گرمی اور اسموگ سے بھری صبح نظر آئی ہے لیکن اس دوران اس نے آج صبح اس پورے موسم کی سرد ترین صبح دیکھی ہے۔ دہلی کے صفدرجنگ میں آج صبح درجہ حرارت 9.2 ڈگری ریکارڈ کیا گیا، جو اس سیزن کا اب تک کا سب سے کم درجہ حرارت ہے۔جبکہ لودھی روڈ پر کم سے کم درجہ حرارت 10.4 ڈگری سینٹی گریڈ ریکارڈ کیا گیا۔ اس دوران جعفرپور، منگیش پور اور نریلا میں درجہ حرارت بالترتیب 11.2، 11.3 اور 12.1 ڈگری سیلسیس ریکارڈ کیا گیا۔ وہیں بدھ کو دہلی میں زیادہ سے زیادہ درجہ حرارت 25.7 ڈگری سیلسیس رہا جو معمول سے ایک ڈگری کم ہے۔ ہندوستان کے محکمہ موسمیات (آئی ایم ڈی) کے مطابق، بدھ کی شام 5.30 بجے شہر میں نسبتاً نمی کا تناسب 65 فیصد ریکارڈ کیا گیا۔ محکمہ موسمیات نے دن کے وقت بنیادی طور پر صاف آسمان اور دھند کی پیش گوئی کی تھی۔
مغربی ہواؤں کے باعث درجہ حرارت میں گراوٹ
جنوب مشرقی اور جنوب وسطی حصوں میں کئی مقامات پر کم سے کم درجہ حرارت میں کمی
