دہلی میں ایمس کوبند رکھنے کا فیصلہ واپس

نئی دہلی۔یہا ں کا آل انڈیا انسٹیٹیوٹ آف میڈیکل سائسنس(اے ائی ائی ایم ایس) پیر کے روز کھلا رہے گا‘ ایودھیا میں رام مندر کی تقریب کے موقع پرڈھائی بجے تک او پی ڈی خدمت بند رکھنے کے اپنے فیصلے کو تبدیل کردیاگیاہے۔نئے سرکولرمیں کہاگیا ہے کہ اس دفتر کے 20جنوری کے سرکولر کے سلسلے میںآؤٹ پیشنٹ ڈپارٹمنٹ اپوائنٹمنٹ کے ساتھ مریضوں کے لئے کھلا رہے گارتاکہ مریضوں کو ہر قسم کی تکالیف سے بچایاجاسکے اور مریضوں کی دیکھ بھال میں بھی آسانی ہو۔اس نے کہاکہ تمام اہم طبی نگہداشت کی خدمات کارگرد رہیں گے۔ایمس دہلی کے سرکاری میمورنڈم میں پہلے کہاگیاتھا کہ حکومت نے رام مندر کی تقریب کے پیش نظر 22جنوری کو آدھے دن کی چھٹی کا علان کیاہے۔تاہم اس نے کہاتھا کہ اہم اورہنگامی خدمات فعال ہوں گے۔ پیر کے روز رام مندر تقریب ایودھیامیں ہونے والی ہے۔