بیڈمنٹن کھیلتے ہوئےچینی کھلاڑی دل کا دورہ پڑنے سے چل بسا

جکارتہ: بیڈمنٹن کھیلتے ہوئے 17سالہ نوجوان چینی کھلاڑی کی اچانک موت نے کھیل کی دنیا کو ہلا کر رکھ دیا۔ بیڈمنٹن کورٹ میں کھیل کے دوران نوجوان کھلاڑی اچانک گرکر ہلا ک ہوگیا۔ ایشیا جونیئر بیڈمنٹن چیمپئن شپ ٹورنمنٹ انڈونیشیا میں جاری ہے۔بیڈمنٹن کھلاڑی اس چیمپئن شپ کو جیتنے اور مستقبل کی راہ ہموار کرنے کیلئے اپنی پوری قوت کا مظاہرہ کررہے تھےبیڈمنٹن سنگلز میں چین کے ژانگ زیجی کا مقابلہ جاپان کے کازوما سے ہوا۔ دونوں ایک دوسرے سے کےخلاف کھیل رہے تھے ۔
پہلے گیم میں جب سکور 11-11 سے برابر تھا تو ژانگ زیجی اچانک کورٹ پر گر پڑے۔ کسی کو سمجھ نہیں آرہی تھی کہ زیجی جب سروس لیتے ہوئے گر پڑے تو کیا ہو رہا ہے۔ چند لمحوں کے بعد منتظمین ژانگ زیجی کو ہسپتال لے گئے۔لیکن ڈاکٹروں نے بتایا کہ زیجی پہلے ہی دل کا دورہ پڑنے سے فوت ہو چکے ہیں۔ اس اعلان سے منتظمین حیران رہ گئے۔ زیجی، جو اس وقت تک کھیل کا مظاہرہ کررہے تھے کہ وہ اچانک زمین پر گر گئےاور منتظمین سمیت وہاں موجود ہر شخص ہکا بکا رہ گیا۔