نوجوان کی موت کے چار سال بعد کال لیٹر موصول

حیدرآباد: ایک نوجوان کی موت کے چار سال بعدملازمت کے لئے ہونے والے امتحان میں شرکت کے لیے کال لیٹر موصول ہوا۔منصف کی خبر کے مطابق یہ واقعہ تلنگانہ کے منچریال ضلع کے مندامری ٹاون میں پیش آیا۔ تفصیلات کے مطابق 2018 میں محکمہ بجلی میں جونیئر لائن مین کی ملازمتوں کو پُرکرنے کے لیے تحریری امتحان منعقد کیاگیا۔بتایا جاتا ہے کہ بعض امیدوارنے فاضل ملازمتوں کو پُرکرنے کامطالبہ کرتے ہوئے عدالت سے رجوع ہوئے جس پر میرٹ کے مطابق بھرتی کا عمل شروع کیاگیا۔ اس سلسلہ میں مندامری کے جیون کمارکے نام کال لیٹر موصول ہوا ۔جس میں کہا گیا کہ وہ اس مہینے کی 24 تاریخ کو بجلی کے کھمبے پر چڑھنے کے ٹسٹ میں شرکت کرے تاہم لیکن جب اس کے ارکان خاندان نے ڈاکیہ کو بتایا کہ جیون ریڈی کی چارسال پہلے ہی موت ہوچکی ہے تو ڈاکیہ یہ لیٹر واپس لے کرچلاگیا۔جیون نے 15 مارچ 2020 کو نوکری نہ ملنے پر پھانسی لگا لی تھی۔