مبینہ بی جے پی حامی نیوز اینکرز کے بائیکاٹ کافیصلہ درست۔تیجسوی

پٹنہ: بہار کے نائب وزیر اعلیٰ تیجسوی یادو نے اپوزیشن انڈیا بلاک کے مبینہ بی جے پی حامی نیوز اینکرز کے بائیکاٹ کے فیصلے کا دفاع کیا۔ انڈیا اتحاد کوآرڈینیشن کمیٹی کی میٹنگ میں شرکت کے بعد پٹنہ میں نامہ نگاروں سے بات چیت کرتے ہوئےآر جے ڈی لیڈر اپنی پارٹی کے لیڈر اور کابینہ کے وزیر چندر شیکھر کو بھی رام چریت مانس پر ان کے متنازعہ ریمارکس کے لیے نصیحت کی۔چندر شیکھر کے بیانات کے بارے میں، جن کے پاس تعلیم کا قلمدان ہے، ڈپٹی سی ایم نے کہاکہ میرے خیال میں انہیں غیر ضروری تنازعہ کھڑا کرنے سے گریز کرنا چاہیے اور اپنے محکمے کے کام کاج پر زیادہ توجہ مرکوز کرنی چاہیے۔
تاہم آر جے ڈی لیڈر نے مزید کہا، "مجھے منفی چیزوں کے گرد میڈیا کی بہت زیادہ چکاچوند کے خلاف بھی شکایت ہے۔ ریاست میں محکمہ تعلیم نے حال ہی میں اساتذہ کی بھرتی مہم کا انعقاد کیا جو کہ پیمانے کے لحاظ سے بے مثال تھا۔ لیکن میں نےمین اسٹریم میڈیا میں شاید ہی کوئی کوریج دیکھی۔
تیجسوی نے مرکزی وزیر داخلہ امیت شاہ کے بہار کے دورے پرانہوں نے کہا کہ وزیر داخلہ تقریباً ہر ماہ بہار کا دورہ کر رہے ہیں۔ میری خواہش ہے کہ وہ منی پور جانے کے لئے کچھ وقت نکالیں جہاں ان کی پارٹی کی حکومت ہے اور جہاں کی صورتحال خانہ جنگی کی طرح ہے۔