اروند سنگھ لولی کانگریس چھوڑ کر بی جے پی میں شامل

نئی دہلی : دہلی کانگریس کے سابق صدر اروند سنگھ لولی سمیت پانچ کانگریس لیڈر کانگریس چھوڑ کر بی جے پی میں شامل ہو گئے ہیں۔ لولی کے علاوہ راجکمار چوہان، نیرج بسویا، امیت ملک اور نصیب سنگھ بھی بی جے پی میں شامل ہوئے۔ ان سب کو دہلی پردیش ویریندر سچدیوا نے آج بی جے پی ہیڈکوارٹر میں پارٹی میں شامل کیا۔واضح ہو کہ 28 اپریل کو ہی لولی نے کانگریس صدر کے عہدے سے استعفیٰ دے دیا تھا۔بی جے پی کے ریاستی صدر وریندر سچدیوا نے پارٹی میں سب کا خیر مقدم کرتے ہوئے کہا کہ جو شخص بنیادی طور پر دہلی سے محبت کرتا ہے وہ کانگریس میں نہیں رہ سکتا۔ مجھے امید ہے کہ مستقبل میں ہم سب مل کر دہلی کو خوبصورت بنانے کے لیے کام کریں گے۔بی جے پی میں شامل ہونے کے بعد لولی نے میڈیا سے خطاب کرتے ہوئے کہا کہ ہم دہلی میں بی جے پی کی حکومت بنانے کے لیے جو کچھ کر سکتے ہیں کریں گے۔قابل ذکر ہے کہ اس سے پہلے بھی لو لی کانگریس چھوڑکر بی جے پی میں چلے گئے تھے لیکن کچھ ہی دن بعد کانگریس میں واپس آگئے تھے ۔