غریب لڑکیوں کی اجتماعی شادی سےاننت اور رادھیکا کی شادی کی رسومات شروع

ممبئی: اننت امبانی اور رادھیکا مرچنٹ کی شادی کی رسومات غریب لڑکیوں کی اجتماعی شادی کے ساتھ شروع ہوئیں غریب اور پسماندہ خاندانوں سے تعلق رکھنے والے 50 سے زیادہ جوڑے ممبئی سے 100 کلومیٹر دور پال گھر سے آئے تھے اجتماعی شادی کا اہتمام ریلائنس کارپوریٹ پارک میں کیا گیا تھا۔
اس اجتماعی شادی میں دولہا اور دلہن کی جانب سے تقریباً 800 افراد نے شرکت کی اس موقع پر امبانی خاندان نے اس طرح کی کئی اجتماعی شادیاں منعقد کرنے کا عزم کیا۔ نیتا امبانی اور مکیش امبانی نے اپنے خاندان کے افراد کے ساتھ اجتماعی شادی میں شرکت کی۔ امبانی خاندان نے نوبیاہتا جوڑے کو مبارکباد دی۔امبانی خاندان کی جانب سے ہر جوڑے کو سونے اور چاندی کے مختلف زیورات بشمول منگل سوتر، شادی کی انگوٹھی اور نتھنی پیش کی گئی۔ اس کے علاوہ ہر دلہن کو ‘ استری دھن’ کے طور پر 1 لاکھ 1 ہزار روپے کا چیک بھی دیا گیا۔
ہر جوڑے کو ایک سال کے لیے کافی گروسری اور گھریلو سامان بھی تحفے میں دیا گیا، جس میں 36 قسم کی ضروری اشیا جیسے برتن، گیس کے چولہے، مکسر، گدے، تکیے وغیرہ شامل تھے۔ اجتماعی شادی میں موجود لوگوں کے لیے شاندار ضیافت کا بھی اہتمام کیا گیا۔ شام کو منعقدہ ثقافتی پروگرام میں وارلی قبیلے کی طرف سے روایتی ترپا رقص پیش کیا گیا۔آپ کو بتاتے چلیں کہ امبانی خاندان ہر بڑے خاندانی پروگرام کا آغاز انسانی خدمت سے کرتا ہے۔ اس سے پہلے بھی، خاندان میں شادیوں کے موقع پر، امبانی خاندان نے قریبی برادریوں اور این جی اوز کے ساتھ مل کر لوگوں کے لیے فوڈ سروس یا ان سیوا چلائی تھی۔