وزیر مالیات نرملا سیتا رمن نے آج پارلیمنٹ میں یونین بجٹ 2025 پیش کیا۔ اس میں انہوں نے نیو ٹیکس بل کا اعلان کیا ہے، جو اگلے ہفتہ سے نافذ ہوگا۔ لیکن یہ اعلان شیئر بازار کو شاید پسند نہیں آیا اور اچانک شیئر بازار میں گراوٹ آ گئی۔ نفٹی 111.15 پوائنٹس گر کر 23397.25 پر آ گیا جبکہ سینسیکس آج 300 پوائنٹس سے زیادہ گر کر 77193.22 پر کاروبار کر رہا ہے۔
حالانکہ شیئر بازار میں دباؤ دیکھا جا رہا ہے لیکن سرکاری کمپنیوں کے شیئروں میں تیزی آئی ہے۔ آر وی این ایل اور آئی آر بی میں 5 فیصد کی تیزی ہے جبکہ مجھگاؤں ڈاک، بی ڈی ایل اور این ایچ پی سی جیسے شیئر تیزی پر کاروبار کر رہے ہیں۔
بی ایس ای سینسیکس کے ٹاپ 30 شیئروں میں سے 9 شیئر سب سے زیادہ گرے ہیں۔ جبکہ باقی 21 شیئر اُچھال پر کاروبار کر رہے ہیں۔ اس میں سب سے زیادہ تیزی آئی ٹی سی ہوٹلس کے قریب 3 فیصد کی تیزی آئی ہے۔ وہیں ٹائٹن کے شیئر میں معمولی گراوٹ دیکھی جا رہی ہے۔
این ایس ی کے ٹاپ 50 شیئروں میں سے آئی ٹی سی ہوٹلس، مہندرا اینڈ مہنرا بیل، الٹرا ٹیک سیمنٹ کے شیئروں میں 3 فیصد تک کی اُچھال آئی ہے۔ وہیں این ایس ای ٹاپ-50 شیئروں میں سے 23 شیئر گراوٹ پر ہیں، جس میں ہیروموٹو کارپ اور وپرو جیسے شیئر شامل ہیں۔ گرنے والے شیئروں کی بات کریں تو فائیو اسٹار بزنس 5 فیصد، پیج انڈسٹریز 1 فیصد، انڈین بینک 1 فیصد، نیلکو 2 فیصد اور ہیروموٹو کارپ تقریباً 2 فیصد شامل ہیں۔
