باطل پر حق کی فتح کی علامت کے لیے پورے ملک میں راون کے پتلے جلائے گئے

نئی دہلی: باطل پر حق کی فتح کی علامت کے لیےآج پورے ملک میں راون کے پتلے جلائے گئے۔ کانگریس پارلیمانی پارٹی کی صدر سونیا گاندھی نےدہلی کے لال قلعہ میں نوشری دھارمک رام لیلا کمیٹی کے ذریعہ منعقدہ دسہرہ تہوار میں شرکت کی۔ انہوں نے برائی پر اچھائی کی فتح کی علامت کے لیے کمان سے تیر چلا کر راون کا پتلا جلایا۔ راون دہن سے پہلے، سونیا گاندھی نے بھگوان شری رام اور ماتا سیتا کے لباس میں ملبوس فنکاروں کو وجے تلک لگایا۔ اس موقع پر کانگریس نے کہا کہ دسہرہ کا یہ مقدس تہوار ہمیں یہ پیغام دیتا ہے کہ سچ ہمیشہ جھوٹ پر غالب ہوتا ہےاورسچ کی ہمیشہ جیت ہوتی ہے۔
دہلی کے وزیر اعلی اروند کیجریوال نے لال قلعہ میں لو کش رام لیلا کمیٹی کی تقریب میں ‘راون دہن کیا۔دہلی کے علاوہ بہاراترپردیش ،مدھیہ پردیش اوردیگر ریاستوں میں بھی آج برائی پر اچھائی کی فتح کی علامت کے لیے راون کے پتلے جلائے گئے اور یہ پیغام دیا گیا کہ سچ ہمیشہ جھوٹ پر غالب ہوتا ہےاور سچ کی ہمیشہ جیت ہوتی ہے۔بہارمیں وزیر اعلیٰ نتیش کمار اور آر جے ڈی سربراہ لالو پرساد یادو پٹنہ کے گاندھی میدان میں ‘راون دہن میں حصہ لیا۔