دہشت گردوں سے لڑتے ہوئے جموں و کشمیر میں تین سیکورٹی افسران جا ں بحق

نئی دہلی :جموں و کشمیر کے اننت ناگ واقع کوکیرناگ علاقہ میں دہشت گردوں سے لڑتے ہوئےتین سیکورٹی افسران( آرمی کرنل، میجر اور ڈپٹی سپرنٹنڈنٹ آف پولیس) اپنی جان دیدی۔ موصولہ اطلاع کے مطابق 13 ستمبر کو کرنل منپریت سنگھ، میجر آشیش، جموں و کشمیر پولیس کے ڈپٹی سپرنٹنڈنٹ ہمایوں بھٹ گولی باری میں سنگین طور پر زخمی ہوئے تھے، بعد میں ان کا انتقال ہو گیا۔سیکورٹی افسران کے ذریعے دی گئی اطلاع کے مطابق ہمایوں بھٹ کی جان بہت زیادہ خون بہہ جانے کی وجہ سے ہوئی ہے۔
اس سے قبل پولیس کے ایک افسر نے اننت ناگ کے گاڈولے علاقے میں چھپے دہشت گردوں اور سیکورٹی فورسز کے درمیان بدھ کی صبح تصادم شروع ہونے کی جانکاری دی تھی۔ جموں و کشمیر میں دہشت گردوں اور سیکورٹی فورسز کے درمیان راجوری میں بھی تصادم کا معاملہ سامنے آیا ہے۔ خبر رساں ایجنسیوں نے افسران کے حوالے سے بتایا کہ راجوری میں بدھ کو ہی تصادم کے دوران سیکورٹی فورسز نے مزید ایک دہشت گرد کو ہلاک کر دیا۔ اس سے راجوری ضلع کے دوردراز واقع نارلا گاؤں میں تین دنوں سے جاری مہم کے دوران ہلاک دہشت گردوں کی تعداد بڑھ کر تین ہو گئی ہے۔
موصولہ خبروں سے پتہ چلا ہے کہ نارلا گاؤں میں منگل کے روز ہوئے تصادم میں ایک مشتبہ پاکستانی دہشت گرد ہلاک ہوا۔ اس گولی باری میں فوج کے ایک جوان اور فوج کی شوان یونٹ کے چھ سالہ مادہ لیبراڈور کینٹ کی زندگیاں قربان ہوئیں۔ اس تصادم میں تین سیکورٹی اہلکار زخمی بھی ہوئے ہیں۔