فلسطینی پرچم لہرانے کے الزام میں تین افراد گرفتار

نوادا: پولیس نے بہار کے نوادا ضلع میں ایک جلوس کے دوران مبینہ طور پر ایک فلسطینی پرچم لہرانے کے الزام میں تین افراد کو گرفتار کرلیا۔ سب ڈویژنل پولیس آفیسر مہیش چودھری نے بتایا کہ پولیس نے محرم سے قبل دھامولہ علاقہ میں ایک جلوس میں چند افراد کو فلسطینی پرچم لہرانے کا ویڈیو دکھائے جانے کے بعد تحقیقات شروع کی۔چودھری نے کہا کہ فوری تحقیقات شروع کی گئیں۔ مقامی پولیس کی جانب سے کی گئی تحقیقات کی بنیاد پر جلوس کے دوران فلسطینی پرچم لہرانے کے الزام میں 3 افراد کو کرفتار کیا گیا۔