سابق سینئر بیوروکریٹ ایس ایم خان کا انتقال

سابق سینئر بیوروکریٹ اور سابق صدر ڈاکٹر اے پی جے عبدالکلام کے پریس سیکریٹری ایس ایم خان کاکل انتقال ہو گیا، وہ ساکیت کے میکس ملٹی اسپیشیلٹی اسپتال کے آئی سی یو میں زیر علاج تھے، جہاں انہوں نے اپنی آخری سانس لی۔ایس ایم خان، جو انڈین انفارمیشن سروس (آئی آئی ایس) کے افسر تھے، نے اپنے شاندار کیریئر کے دوران کئی اہم عہدوں پر خدمات انجام دیں۔ وہ دوردرشن نیوز کے ڈائریکٹر جنرل، رجسٹرار آف نیوز پیپرز فار انڈیا (آراین آئی) اور سینٹرل بیورو آف انویسٹی گیشن (سی بی آئی) کے ترجمان بھی رہ چکے تھے۔
بطور ڈی جی 2013 میں انہوں نے ڈی ڈی نیوز اردو ڈیسک کے قیام می کلیدی رول ادا کیا تھا اور چوبیس گھنٹے میں دس اردو بلیٹن شروع ہوئے تھے۔ایس ایم خان اپنی پیشہ ورانہ مہارت اور دیانتداری کے لیے مشہور تھے۔ بطور پریس سیکریٹری انہوں نے ڈاکٹر اے پی جے عبدالکلام کے ساتھ کام کیا، جس نے ان کی عوامی خدمات اور ملک کے لیے ان کے عزم کو مزید اجاگر کیا۔مختلف شعبوں سے تعزیتی پیغامات موصول ہو رہے ہیں۔ بیوروکریٹس، صحافیوں، اور عوامی شخصیات نے ان کے انتقال پر گہرے رنج و غم کا اظہار کیا ہے۔ ہندوستان کے میڈیا اور بیوروکریسی میں ان کی خدمات کو ہمیشہ یاد رکھا جائے گا۔