پتنجلی آیوروید پرچار کروڑ کا جرمانہ عائد

ممبئی: ممبئی ہائی کورٹ نے پیر کے دن پتنجلی آیوروید لمیٹڈ پر 2023ء کا عبوری حکم توڑنے پر 4کروڑ روپے جرمانہ عائد کیا۔ اسے منگلم آرگیانکس لمیٹڈ کے ٹریڈ مارک کیس میں کافور کی بنی اشیاء فروخت کرنے سے باز رکھا گیا تھا۔جسٹس آر آئی چھاگلا کی بنچ نے کہا کہ پتنجلی نے دانستہ طور پر عدالت کا حکم توڑا۔ بنچ نے منگلم آرگیانکس کی درخواست کی یکسوئی کردی۔جسٹس چھاگلا نے پتنجلی کو ہدایت دی کہ وہ اندرون دو ہفتہ 4 کروڑ روپے جمع کرائے۔یہ رقم اس 50لاکھ روپے کے علاوہ ہے جو عدالت نے کمپنی کو قبل ازیں جمع کرانے کو کہا تھا۔