بم دھماکہ میں زخمی مولاناکا علاج کے دوران انتقال

چھپرا: بہار میں سارن ضلع کے گڈکھا تھانہ علاقہ کے ایک مدرسہ میں بم دھماکے میں زخمی مولانا کی آج علاج کے دوران موت ہو گئی۔پولیس ذرائع نے جمعرات کو یہاں بتایا کہ چہارشنبہ کی رات دیر گئے موتیراج پور گاؤں میں واقع ایک مدرسے میں دھماکہ ہونے سے مڈھورا تھانہ علاقہ کے اولہان پور گاؤں کے رہنے والے مولانا امام الدین (50) اور مظفر پور ضلع کا طالب علم نور عالم (15) زخمی ہو گئے تھے جنہیں بہتر علاج کے لیے صدر ہسپتال چھپرا سے پٹنہ بھیجا گیا تھا۔مولانا امام الدین کا پٹنہ میں علاج کے دوران انتقال ہو گیا ہے۔