منی پور کے تین کوکی اراکین اسمبلی کمیٹیوں کی صدارت سےبرطرف

امپھال:منی پور کے تین اراکین اسمبلی کو منی پور اسمبلی کی مختلف کمیٹیوں کی صدارت سے دستبردار کر دیا گیا ہے۔ قابل ذکر بات یہ ہے کہ تینوں ہی اراکین اسمبلی کوکی طبقہ سے تعلق رکھتے ہیں۔ یہ تینوں اراکین اسمبلی ماناگلم بم رمیشور، لوسی دِکھو اور ایبومچاہیں۔منی پور اسمبلی کے بلیٹن میں بتایا گیا ہے کہ مایانگلم بم رمیشور کو اسپیکر نے پبلک انٹرپرائزیز کمیٹی کا چیئرمین مقرر کیا گیا تھا۔ رمیشور کاکچنگ اسمبلی حلقہ سے نیشنل پیپلز پارٹی (این پی پی) کے رکن اسمبلی ہیں۔ یہ عہدہ پہلے ایل ایم کھوٹے کے پاس تھا جو چراچندپور سیٹ کی نمائندگی کرتے ہیں۔ماؤ انتخابی حلقہ کے ناگا پیپلز فرنٹ (این پی ایف) رکن اسمبلی لوسی دِکھو کی گورنمنٹ ایشورنسز کمیٹی کے چیئرمین کی شکل میں تقرر کی گئی تھی۔ یہ عہدہ پہلے سیتوں انتخابی حلقہ کے آزاد رکن اسمبلی ہاؤکھولیٹ کپگین کے پاس تھا۔ اسی طرح لملائی سے بی جے پی رکن اسمبلی ایبومچا کو ونگجاگن والٹے کی جگہ پر اسمبلی لائبریری کمیٹی کا چیئرمین منتخب کیا گیا تھا۔
واضح رہے کہ منی پور میں میتئی اور کوکی کے درمیان نسلی تشدد کی شروعات کے دوران بھیڑ کے ذریعہ حملہ کیے جانے کے بعد والٹے کو سنگین چوٹیں آئی تھیں۔نوٹیفکیشن میں یہ نہیں بتایا گیا ہے کہ مختلف اسمبلی کمیٹیوں کے چیئرمین کیوں تبدیل کیے گئے۔ ویسے اسمبلی کے رول 198(2) کے مطابق اگر (کمیٹی) چیئرمین کسی وجہ سے کام کرنے میں نااہل ہے تو اسپیکر اس کی جگہ پر کسی دیگر چیئرمین کی تقرری کر سکتا ہے۔