کانگریس کے سابق صدر راہل گاندھی نے نیویارک میں ہندوستانی کمیونٹی کے کنونشن سے خطاب کیا۔ اس دوران انہوں نے وزیر اعظم نریندر مودی، بی جے پی اور آر ایس ایس کو نشانہ بنایا۔ انہوں نے کہا کہ بی جے پی اور آر ایس ایس ملک میں نفرت پھیلا رہے ہیں۔ راہل گاندھی نے کہا کہ ان لوگوں نے جمہوریت کو چلانے والے اداروں پر قبضہ کر رکھا ہے۔
راہل گاندھی نے کہا کہ بی جے پی اور آر ایس ایس میں مستقبل دیکھنے کی صلاحیت نہیں ہے۔ ان کے پاس ایسا کرنے کے لیے ضروری دور اندیشی نہیں ہے۔ آپ ان سے کچھ پوچھیں تو وہ پیچھے کی طرف دیکھتے ہیں، جب کہ ہمیں آگے دیکھنا چاہئے ۔
راہل گاندھی نے کہا کہ ہندوستان میں دو نظریات کے درمیان لڑائی ہے، ایک جس کی کانگریس نمائندگی کرتی ہے اور دوسرا جو بی جے پی-آر ایس ایس کا نظریہ ہے۔ یہ بتانے کا آسان طریقہ یہ ہے کہ ایک طرف مہاتما گاندھی ہیں اور دوسری طرف ناتھورام گوڈسے۔
راہل گاندھی نے کہا کہ ایک طرف سب سے زیادہ بااثر این آر آئی ہیں، جنہوں نے اپنی زندگی عدم تشدد اور سچائی کی تلاش میں گزاری اور دوسری طرف ناتھورام گوڈسے ہیں۔ تشدد اور غصے سے بھرا، جو اپنی زندگی کی حقیقت سے منہ موڑ لیا کرتا تھا۔ وہ مستقبل کو دیکھ کر ڈرتا تھا۔
راہل گاندھی نے کہا کہ گوڈسے نے ہمیشہ ماضی کی بات کی، مستقبل کی نہیں۔ وہ بزدل تھا۔ اسی وقت مہاتما گاندھی نے انگریزوں سے جنگ کی، جو اس وقت امریکہ سے بڑی طاقت تھے۔ آپ لوگ گاندھی، امبیڈکر، پٹیل، نہرو کے نقش قدم پر چل رہے ہیں۔
انہوں نے کہا کہ بی جے پی و آر ایس ایس کا کام نفرت پھیلانا ہے جبکہ ہمارا کام محبت پھیلانا ہے۔ ہم بی جے پی وآر ایس ایس والا کام نہیں کریں گے، ہم اپنا کام کریں گے ۔ انہوں نے کہا کہ یہ ہندوستان میں چیلنجز ہیں۔ یہاں ایسے لوگ ہیں جو پیار اور محبت پر یقین رکھتے ہیں۔ اگر آپ یہاں رہتے ہیں، تو آپ 24 گھنٹے محبت کے ہندوستان کے ساتھ گھومتے ہیں۔
راہل گاندھی نے کہا کہ گاڑی چلاتے ہوئے ہمیشہ پیچھے نہیں دیکھ سکتے، حادثہ ہو جاتا ہے۔ یہ وزیر اعظم مودی، بی جے پی اور آر ایس ایس کی مشکل ہے۔ وہ ہمیشہ ماضی کے بارے میں بات کرتے ہیں اور ہمیشہ کسی اور پر الزام لگانے کا سوچتے ہیں۔
راہل گاندھی نے کہا کہ بی جے پی اور آر ایس ایس میں مستقبل دیکھنے کی صلاحیت نہیں ہے۔ اس سے کچھ پوچھو تو وہ پیچھے مڑ کر دیکھتا ہے۔ اگر آپ اڈیشہ ٹرین حادثے پر سوال پوچھیں گے تو آپ کو بتایا جائے گا کہ کانگریس نے 50 سال پہلے کیا کیا تھا۔ انہوں نے کہا کہ ہندوستانیت کا مطلب کسی کو مارنا، کسی سے نفرت کرنا یا کسی کو نیچا دکھانا نہیں ہے۔ انہوں نے کہا کہ کانگریس نفرتوں کے بازار میں محبت کی دکان چلاتی ہے اور ہم نفرت کو نفرت سے نہیں ہٹاتے۔ آپ کا کام نفرت پھیلانا ہے۔ ہمارا کام محبت پھیلانا ہے۔
