بنگلورو۔مذکورہ کرناٹک ہائی کورٹ نے پولیس کو ہدایت دی ہے کہ وہ 3اکتو بر تک آج تک نیوز چینل کے کنسٹنگ ایڈیٹر سدھیر چودھری کے خلاف کوئی تیز رفتار کاروائی نہ کرے۔اس سے قبل ہائی کورٹ نے 15ستمبر کوپولیس کو ہدایت دی تھی کہ بنگلورو کے شیشادری پورم پولیس اسٹیشن پر چودھری پر درج ایف ائی آ ر کے ضمن میں چہارشنبہ 20ستمبر تک ان کے خلاف کوئی جارحانہ کاروائی نہ کی جائے۔
چودھری کی درخواست جسٹس ہیمنت چندن گودار کی سنگل جج بنچ پر 4بجے شام کو پیش کی گئی تھی۔تاہم وقت کی تنگی کے سبب عدالت دلائل سننے سے قاصر رہی ۔کرناٹک مینارٹیز ڈیولپمنٹ کارپوریشن لمٹیڈ کے اسٹنٹ ایڈمنسٹرٹیو افیسر شیو ا کمار ایس نے شکایت درج کرائی تھی جس میں الزام لگایاگیاتھا کہ چودھری نے آج تک چینل پر ایک نیوز پروگرام کے ذریعہ غلط معلومات پھیلائی جس میں حکومت پر اقلیتوں کی خوشنودی کا الزام لگایاگیاتھا۔آئی پی سی کی 153اے(مذہب کی بنیاد پر دشمنی کو فروغ دینا) اوردیگر دفعات کے تحت ان پر مقدمہ درج ہے۔
چودھری پر الزام لگاگیا ہے کہ کرناٹک حکومت کی ”سوالمبی سارتی اسکیم“ جو مذہبی اقلیتوں کو تین لاکھ روپئے سے زائد کی کمرشیل ٹرانسپورٹ گاڑیوں کی خریداری کے لئے بینک لون پر پچاس فیصد کی رعایت فراہم کرتی ہے ،کے متعلق غلط جانکاری کے ذریعےفرقہ وارانہ ہم آہنگی کومتاثر کرنے کی چودھری نے سازش کی ہے۔
سدھیر چودھری کے خلاف3اکتو بر تک کوئی کاروائی نہ کرنے کی کرناٹک ہائی کورٹ کی ہدایت
اس سے پہلے عدالت نے20ستمبر تک بنگلورو میں درج ایف ائی آ ر کے ضمن میں کاروائی پر روک لگائی تھی
