یونین بینک آف انڈیا سمیت 5 بینکوں پر بھاری جرمانہ عائد

نئی دہلی: : آر بی آئی نے ریگولیٹری نارمس کی خلاف ورزی کرنے پر سی ایس بی بینک، یونین بینک آف انڈیا، متھوٹ ہاؤسنگ فائنانس سمیت 5 بینکوں پر بھاری جرمانہ عائدکر دیا۔ جن بینکنگ یونٹ پر کارروائی ہوئی ہے ان میں نِڈو ہوم فائنانس لمیٹڈ اور اشوکا وِنیوگ لمیٹڈ بھی شامل ہیں۔ آر بی آئی نے سی ایس بی بینک پر 1.86 کروڑ روپے کا جرمانہ عائد کیا ہے۔ بینک پر مالی خدمات کی آؤٹ سورسنگ میں رِسک مینجمنٹ اور ضابطہ اخلاق سے متعلق گائڈ لائنس اور برانچ اتھاریٹی پر ماسٹر سرکولیشن سے متعلق کچھ ہدایات پر عمل نہیں کرنے کی وجہ سے یہ کارروائی ہوئی ہے۔ آر بی آئی کے مطابق یونین بینک پر کے وائی سی سے متعلق کچھ معیار پر عمل نہیں کرنے اور دیگر وجوہات سے 1.06 کروڑ روپے کا جرمانہ لگایا گیا ہے۔ متھوٹ فائنانس پر تھوڑا کم جرمانہ لگا ہے۔ کمپنی پر غیر بینکنگ مالی کمپنی- ہاؤسنگ فائنانس کمپنی (ریزرو بینک) ہدایت- 2021 کے نظم پر عمل نہیں کرنے کی وجہ سے 5 لاکھ کا جرمانہ عائد کیا گیا ہے۔ اس کے علاوہ نِڈو ہوم فائنانس لمیٹڈ پر 5 لاکھ روپے اور اشوکا وِنیوگ لمیٹڈ پر 3.1 لاکھ روپے کا جرمانہ عائد ہوا ہے۔
آر بی آئی کے ذریعہ بینکوں اور ان کی اکائیوں پر کی گئی اس کارروائی سے بینکنگ سسٹم مضبوط ہوگا اور مستقبل میں صارفین کو بہتر خدمات حاصل ہوں گی اور ان کے پیسے محفوظ رہیں گے۔ کیونکہ جرمانہ سے یہ اشارہ ملتا ہے کہ آر بی آئی بینکوں کو ضابطوں پر عمل کرنے کے لیے مجبور کر رہی ہے۔