اگنی میزائل کے فادر ڈاکٹر رام نارائن اگروال کا حیدرآباد میں انتقال

حیدرآباد: ڈیفنس ریسرچ اینڈ ڈیولپمنٹ آرگنائزیشن (ڈی آر ڈی او) کے معروف سائنسداں اور اگنی میزائل کے فادر ڈاکٹر رام نارائن اگروال کا جمعرات کو حیدرآباد میں انتقال ہوگیا۔ان کی عمر 84 برس تھی۔ڈاکٹر اگروال نے ملک میں لانگ رینج کے بیلسٹک میزائل پروگرام میں کلیدی کردار ادا کیا اور اگنی میزائل کے پہلے پروگرام ڈائریکٹر تھے اور انہیں اگنی پرش کے نام سے بھی جانا جاتا تھا۔
ڈی آر ڈی او نے سوشل میڈیا پر لکھا کہ ’’انہوں نے اگنی میزائل کی نشوونما میں اہم کردار ادا کیا۔ ان کی آتما کو شانتی ۔”ڈاکٹر اگروال اے ایس ایل کے ڈائریکٹر کے طور پر ریٹائر ہوئے اور دو دہائیوں سے زیادہ عرصے تک ملک کے ڈریم پروجیکٹ اگنی میزائل پروگرام کی قیادت کی۔انہوں نے میزائلوں کے لیے ری انٹری ٹیکنالوجی، تمام کمپوزٹ ہیٹ شیلڈ، آن بورڈ پروپلشن سسٹم، رہنمائی اور کنٹرول وغیرہ کے قیام میں کلیدی کردار ادا کیا۔