بی جے پی والے ‘رام’ کو صرف اپنے فائدے کے لیے استعمال کر رہے ہیں۔ اُدھو ٹھاکرے

ممبئی :شیو سینا (یو بی ٹی) کے سربراہ اور مہاراشٹر کے سابق وزیراعلیٰ اُدھو ٹھاکرے نے مرکز کی مودی حکومت پر زبردست حملہ کرتے ہوئے کہا ہے کہ وہبی جے پی سے آزاد ‘رام’ دیکھنا چاہتے ہیں۔ کیونکہ انہوں نے میری پارٹی، میرا انتخابی نشان چوری کرکے پیٹھ میں چُھرا گھونپنے کا کام کیا ہے جو ایک سچا ہندو کبھی نہیں کر سکتا ہے۔ بی جے پی والے ‘رام’ کو صرف اپنے فائدے کے لیے استعمال کر رہے ہیں۔ اُدھو ٹھاکرے نے کہا کہ اجودھیا میں بھی آدرش گھوٹالہ ہوا ہے، اس میں کون شامل ہے؟ ہم نے مندر بنانے کے لیے اپنا خون بہایا، کس لیے۔ انہوں نے آگے کہا کہ شنکراچاریہ اوی مکتیشورانند میرے گھر آئے تھے انہوں نے کہا کہ ہندو پیٹھ میں کبھی چُھرا نہیں گھونپتا اور جو ایسا کرتا ہے وہ ہندو نہیں ہوسکتا۔
شیو سینا سربراہ نے خود کو سبھی گجراتیوں کے خلاف ہونے سے انکار کرتے ہوئے کہا کہ انہوں نے (بی جے پی والوں) میری چیزیں ہڑپنے کے بعد اب منگٹی وار لندن گئے اور باگھ کی ناک لے آئے۔ پہلے وہ 15 لاکھ روپے دینے والے تھے، 15 لاکھ کا کیا ہوا؟ بھائی-بہن والے لوگ کہاں ہیں؟” ادھو ٹھاکرے نے ہفتہ کو تھانے میں اپنے حامیوں سے خطاب کرتے ہوئے خواتین سے ’لڑکی بہن منصوبہ‘ کا فائدہ اٹھانے کی التجا کی اور کہا کہ یہ ان کے حق کا پیسہ ہے لیکن ساتھ ہی اپنے وقار سے سمجھوتہ نہ کرنے کی بھی بات کہی۔ ادھو نے کہا کہ صرف تین مہینے انتظار کیجئے، میں ان کے کلکٹروں کو ایسی جگہ بھیجوں گا بس انتظار کیجئے، ممبئی، تھانے میرا ہے، کونکن میرا ہے۔ اس موقع پر انہوں نے یہ بھی کہا کہ مسلم، سکھ، پارسی، عیسائی سبھی ہمارے ساتھ ہیں۔