بہاربورڈ کےمیٹرک کے نتیجےکااعلان

پٹنہ :بہار اسکول ایگزامینیشن بورڈ کے چیئرمین آنند کشور نے اتوار کو دوپہر 1.30 بجے میٹرک امتحان 2024 کا نتیجہ جاری کیا۔ انہوں نے بتایا کہ اس بار بھی بہار بورڈ کا نتیجہ پورے ملک میں پہلے جاری ہوا ہے۔ اس بار امتحان میں شامل ہونے والے 16.91 لاکھ امیدواروں میں سے 13 لاکھ 79 ہزار 542 طلبہ کامیاب ہوئے ہیں ۔ اس بار کل نتیجہ 82.99 فیصد رہا۔ اس بار بہار بورڈ نے زیادہ سے زیادہ نمبروں کے ساتھ ٹاپ فائیو کی فہرست تیار کرکے جاری کی ہے۔ اس میں 489 نمبر حاصل کر کے پورانیہ کے ضلع اسکول کے طالب علم شیونکو کمار ریاستی ٹاپر بن گئے ہیں۔ انہیں ایک لیپ ٹاپ کے ساتھ ایک لاکھ روپے کی نقد رقم دی جائے گی۔