نئی دہلی :میزورم میں نئی اسمبلی کیلئےکَل ووٹ ڈالے جائیں گے۔ 4 لاکھ 39 ہزار 26 خواتین سمیت 8 لاکھ 57 ہزار سے زیادہرائے دہندگان174 امیدواروں کی قسمت کا فیصلہ کریں گے۔ چناؤ کے نتائج کا اعلان تین دسمبر کو کیا جائے گا۔ ریاست میں ایک ہزار 276 پولنگ مراکز میں سے 149 پولنگ اسٹیشندور دراز کے علاقوں میں واقع ہیں۔ بین ریاستی اور بین الاقوامی سرحدوں سے متصل تقریباً30 پولنگ اسٹیشنوں کو انتہائی اہم اورحساس قرار دیا گیا ہے۔
دوسری جانب چھتیس گڑھ میں اسمبلی انتخابات کےپہلے مرحلے کے لیے سبھی تیاریاں مکمل کرلی گئی ہیں۔ کل پہلے مرحلے کے تحت کُل 90 میںسے 20 اسمبلی حلقوں میں ووٹنگ ہوگی۔ اِس مرحلے کے تحت 223 امیدواروں کی قسمت کا فیصلہ ہوگا۔ کل چھتیس گڑھ میں پہلے مرحلے کے تحت تقریباً 40 لاکھ ووٹر اپنے حق رائے دہی کااستعمال کریں گے۔ چھتیس گڑھ ملک کی اُن کچھ ریاستوں میں سے ایک ہے، جہاں خواتینووٹروں کی تعداد مردوں سے زیادہ ہے۔پہلے مرحلے کے تحت ہونے والی ووٹنگ میں بھی تقریباً20 لاکھ 84ہزار خواتین ووٹر ہیں، جبکہ مرد ووٹروں کی تعداد 19 لاکھ 93 ہزار ہے۔ووٹنگ کے لیے 5ہزار 300 پولنگ مراکز قائم کئے گئے ہیں۔ اِن میں سے 200، سنگواری ولنگ اسٹیشن ہیں،جہاں صرف خواتین پولنگ اہلکار ہی تعینات کی جائیں گی۔
