پریاگ راج:اتر پردیش کے پریاگ راج میں سنسنی خیز واردات سامنے آئی ہے۔ آج صبح یہاں پورا مفتی تھانہ علاقہ کے بمرولی واقع ایئر پورٹ کالونی میں ایئر فورس کے چیف انجینئر ایس این مشرا کا گولی مار کر قتل کر دیا گیا۔ وہ گھر میں سوئے ہوئے تھے۔ حملہ آور نے کھڑکی سے نشانہ لگا کر ان کو گولی مار دی۔ ان کی موقع پر ہی موت ہو گئی۔ فی الحال قتل کی وجہ سامنے نہیں آ سکی ہے لیکن خدشہ ظاہر کیا جا رہا ہے کہ کسی رنجش کی وجہ سے یہ واردات انجام دی گئی۔
چیف انجینئر ایس این مشرا پورا مفتی تھانہ علاقہ کے بمرولی واقع ایئر پورٹ کالونی میں رہتے تھے۔ جمعہ کی رات وہ اپنے گھر میں سوئے ہوئے تھے۔ اس دوران حملہ آوروں نے کھڑکی سے نشانہ لگا کر ان کو گولی مار ردی۔ گولی کی آواز سن کر دوسرے کمرے میں سو رہے کنبہ کے دیگر لوگ جاگ گئے۔ باہر آکر دیکھا تو این این مشرا خون سے شرابور پڑے تھے۔ گھر والوں نے واقعہ کی اطلاع پولیس کو دی۔ ایس این مشرا کو اسپتال لے جایا گیا جہاں ڈاکٹروں نے انہیں مردہ قرار دے دیا۔ہائی سیکوریٹی زون میں قتل کی اس واردات سے سنسنی پھیل گئی ہے۔ موقع پر پولیس فورس تعینات ہے۔ ضلع کے اعلیٰ افسران موقع پر موجود ہیں۔ پولیس نے کمرہ سیل کر دیا ہے۔ پولیس سی سی ٹی وی فوٹیج کی جانچ کر رہی ہے۔
واردات کی اطلاع ملتے ہی موقع پر پہنچی پولیس نے لاش کو قبضے میں لے لیا اور معاملے کی جانچ پڑتال میں لگ گئی ہے۔ چیف انجینئر کا قتل کیوں کیا گیا؟ اس کے پیچھے کون ہے؟ پولیس ہر پہلوؤں پر جانچ کر رہی ہے۔پولیس کے ذریعہ کمرے کو سیل کر دیا گیا ہے۔ اس کے ساتھ ہی پولیس سی سی ٹی وی کیمرے سے فوٹیج دیکھ رہی ہے۔ موقع پر پولیس فورس تعینات ہے۔ اعلیٰ افسران بھی پہنچے ہوئے ہیں۔ ادھر چیف انجینئر کے قتل کے پیچھے کوئی رنجش بتائی جا رہی ہے۔ اس ہائی سیکوریٹی زون میں سنسنی خیز واردات کے بعد علاقے کے لوگوں میں زبردست خوف و دہشت ہے۔
